Giangkon sa Commision on Election kon Comelec XI nga misaka og sobra kaupat ka pilo ang ihap sa mga aplikanteng boot magpartehistro sa sugod sa milabay nga mga semana hangtud karong mga orasa.
Sumala kang Atty. Krisna Samantha Caballero, provincial election Officer sa Davao de Oro, kung kaniadto anaa lamang sa 70 kada adlaw ang ma-cater kada adlaw, karon misaka kini ngadto sa 300-400 ka aplikate kada adlaw.
Sa datus nga gipalanog sa opisyal, miusbaw usab ang mga botante gikan sa 462,942 niadtong 2019 elections, nisaka ang numero gikan sa July-hangtud September 28 kung diin anaa sa 29,297 ang nakaregister hinungdan nga niabot sa na kini karon sa 499,831 as of September 28 ug padayong nadugangan sanglit magpadayon pa ang rehistrasyon karong adlawa.
Mokabat na sa 937,000 ka bag-ong rehistradong botante sa Davao City sukad 2019 hangtud karong bulana ang natala sa
Commission on Elections (Comelec) Davao.
Sa pikas bahin, gatusan ka mga aplikante sa tulo ka mga distrito dinhi sa Davao City ang giabisuhan sa otoridad kagahapon nga mobalik na lamang Oktubre 9 human unya sa filing sa Certificate of Candidacy.
Kini tungod dili na ma-cater sa COMELEC-XI ang tanang midagsa nga aplikante gumikan anaa lamang sa 1,500 ang kaya nga dawaton o 500 matag distrito.
