Misaka ang ihap sa mga nahitabong disgrasya sa kadalanan dinhi sa dakbayan sa Davao karong tuiga.
Sumala ni Major Dexter Domingo hepe sa Davao City Police Office – Traffic Enforcement Unit atol sa AFP-PNP Press Corps kagahapong adlawa, Hulyo 12, misaka og 30 porsyento ang nahitabong disgrasya sa syudad itandi sa milabay’ng tuig 2022.
Sa Datos, gikan sa Enero hangtod Hunyo 2023 anaa sa 2,942 ang natalang road crush incident diin mas taas kini itandi sa tuig 2022 nga anaa sa 2, 251.
Dugang pa ni Dominggo nga sa maong ihap sa insedente, nag-unang hinungdan niini mao ang human error o nakasupak sa balaud trapiko o diba kaha nagmaneho nga lango sa ilimnong makahubog.
Gawas pa niini, misaka sab og 20 porsyento ang ihap sa mga disgrasya nga dunay kalambigitan sa mga sakyanan diin sa datos, anaa sa 5,086 karong tuig 2023 itandi sa 4,033 sa milabay’ng tuig 2022.