Ginkumpirma it Regional Epidemiology and Surveillance Unit it Department of Health (DOH) Western Visayas nga padayon nga angataas ro kaso it dengue sa probinsiya it Aklan.
Sa pinakaulihi nga datos, ro probinsiya hay may 39 ka mga narekord nga kaso sa tunga eamang it Enero 1 ag Mayo 14, mas mataas raya it 39.28 % kumpara sa 28 ka mga kaso sa pareho nga morbidity week ku nagtaliwan nga dag-on.
Ro numero it mga kaso sa Aklan hay nagarepresentar sa 2.9% it 1,355 nga kaso it dengue sa bieog nga Western Visayas.
Dugang pa kara, ro Aklan hay may case fatality rate (CFR) nha 2.6%.
Kasunod it pagtaas it numero, ginkumbinse it Department of Health ro mga local government units it probinsiya nga uman nga ilunsar ro Dengue Task Forces agud makontrol ro pagkaeat it nasambitan nga sakit./JIL B. LACSON