LUYO sa mga nahitabong insidente sa tulis, Pipila ang nagkanayon nga safe gihapon ang ilang pagpuyo sa Polomolok, South Cotabato.
Satisfied si Peace and order committee chairman Kag. Atty. Leo Cordova sa kapulisan sa Polomolok tungod sa pagpahugot sa seguridad ug implementa sa mga operasyon aron batukan ang kriminalidad.
Sa bahin usab sa kapulisan, gibutyag sa Deputy Chief of Police sa Polomolok Municipal Police Station nga si PLt. Keno Biadoma nga ang nahimo nilang askyon sa pagbatok sa mga kriminalidad ilabi na ang tulis mao ang hugot nga pagpatuman sa pagpatrolya sa ilang mga sakop.
Kaniadtong nakalabayng semana lang napasakaan og kaso ang mga suspek sa pagtulis-patay sa usa ka kolektor pamatuod matud pa nga galihok ang kapulisan sa ilang munisipyo.
Dugang pa ni Kag. Cordova ug PLt. Keno Biadoma nga angay lamang magtinabangay ang katawhan ug ang kapulisan aron makaangkon og hapsay og malinawong Polomolok. I MJ Fernandez