Nasamad ru prente nga parte it kotse matapos aksidenting bumangga sa center island sa D. Maagma St., Kalibo, Aklan kaina’t aga-aga.
Sa imbistigasyon it Kalibo MPS, nakabaton it tawag halin mismo kay OIC chief of Police it Kalibo MPS PLTCOL Ricky Bontogon.
Eagi nga nagresponde ru mga kapulisan at Kalibo Auxiliary Police (KAP) para maghimo it imbistigasyon sa lugar.
Nakilaea ru driver it kotse nga si Rainer Buyoc, isang 43 anyos ag residente it Brgy. Laginbaua East, Numancia, Aklan.
Bumangga sa center island ru kotse kat sobrang pagliko sa daean halin sa crossing Banga nga paadto konta it Mabini St., Kalibo.
Maswerte man nga uwa naninahan ru driver it kotse.//MARIVIC Y. ILIN