Himala nga naka salbar ru sangka pari nga naga maneho it kotse matapos nga nawad-an it control sa kurbadang daeanon sa Brgy. Naisod, Ibajay, Aklan.
Sa imbistigasyon, naka angkon it lastro sa kaeawasan ru biktima nga sangka 53 anyos, residente it Brgy. Manoc-manoc Boracay Malay, Aklan ag sangka pari it Tangalan Catholic Church.
Naka angkon it lastro sa kaeawasan ru biktima samtang wasak ru prente it kotse kamana man ru kurae nga hasalpukan.
Halin sa Malay ru kotse ag naga paadto konta sa Tangalan kat matabo ru aksidente.
Eagi man nga gin respondihan it mga kapulisan ru biktima ag gin daea sa Ibajay District Hospital.//MARIVIC Y. ILIN