Personal nga gibisita ni Davao City Mayor Sara Duterte-Carpio si Arian Jane Ramos alias ‘Kumander Marikit’ ang kanhi Secretary sa GF 55, SMRC sa New People’s Army.
Tumong sa pagbisita sa Mayor aron susihon ang kahimtang ni Marikit ug gihisgutan ang mga mahinungdanong butang ug mga lakang nga posibleng makatabang aron matud pa makab-ot ang maluntarong kalinaw ilabi na sa lugar sa Paquibato District.
Si Marikit ang kasamtangan karong nakabase sa Davao City ang unang nadakpan didto sa North Cotabato, ang grupo niini mao ang responsable sa pipila ka mga kagubot sa Paquibato ug ubang bahin sa North Cotabato.
Una nang gisaysay ni Kumander Marikit ang kasinatian niini samtang nagserbisyo sa CPP-NPA kung asa nasaksihan matud pa niini ang pagkamatay sa iyang bana ug ang kalisud nga natagamtaman sa iyang mga kaubanan tungod sa walay puas nga operasyon sa tropa sa gobyerno. BNFM-DAVAO
