HANGTUD pa sunod tuig ang epekto sa La Niña phenomenon sa nasud asa gibanabanaan ni Chief Meteorological Officer sa PAGASA-GenSan Binrio Biñan nga anaa sa 60 percent nga magpadayun ang maong weather system.
Gipaklaroniini ang La Niña mao ang pag-init sa temperatura sa dagat duol sa Pilipinas partikular sa Guam samtang ang El Niño ang pag-init sa dagat sa Pacific Ocean o duol sa Hawaii.
Kung La Niña ang mga ulan mamugna nga mas duol sa nasud ug dali usab ang pagbundak sa ulan ug hinungdan sa flashfloods ug landslide.
Ang maong weather system ang mupakusog usab sa uban pang weather disturbance sama sa LPA, easterlies, ITCZ, localized thunderstorms.
Kung may La Niña ang ulan mas kusog ug mas sagunson.
Ang Pilipinas aduna matud pay upat ka climate type, asa ang Socksargen region adunay type 4 nga nagpasabot nga walay dry season ug wet season ug kasarangan lang ang pag-ulan ug ting-init sa tibuok tuig.
Ang climate type 1 mao ang anaa sa western side sa nasud nga mao ang Zambonga ug NCR asa anaay kusog nga ulan sa bulan sa Hunyo, Hulyo ug Agosto.
Ang type 3 naay dry season, naay pag-ulan sa October, November apan ang ilahang tag init dugay nga anaa sa January, February ug March.
Samtang ang type 2, pag-abot sa panahon sa amihan, maoy ting-ulan sa ilang lugar.
Ang kausaban sa klima ang mugna sa pag-usab sa temperatura sa dagat ug climate change.