Lalaki nga giingung tagoanan og armas sa mga gun for hire, nadakpan

Nadakpan sa sakop sa Mambaling Police Station pinanguluhan ni Police Major John Lynbert Yango ang usa ka lalaki nga giingong maoy taguanan sa armas sa tulo ka mga gun for hire niadtong Abril 29, 2024 sa Sitio Bamboo Groove, Brgy.San Nicolas syudad sa Sugbo. Ang dinakpan giila nga si Romualdo Cañamo Filipino, walay trabaho og residente sa nahisgutang lugar. Nakuha gikan kaniya ang usa ka kalibre .22 nga revolver nga adunay duha ka mga buhi nga bala. Kasamtangan na siya nga gitanggong karon sa Mambaling Police Station.