Nasungkit ng Local Government Unit of Cauayan sa pamamagitan ng City Human Resource Management Office ang Bronze Award para sa Program to Institutionalize Meritocracy and Excellence in Human Resources o PRIME-HRM.
Nakumpleto ng LGU Cauayan ang 4 core functions ng Human Resource Management System na kinabibilangan ng Recruitment, Selection and Placement, Learning and Development, Performance Management at Rewards and Recognition.
Bukod dito, ang pagkakasungkit ng LGU Cauayan sa naturang award ay nagpapakita ng magandang ugnayan sa Civil Service Commission, iba’t-ibang ahensya at walang humpay na paghahanap ng solusyon at inobasyon sa mga lugar na kinakailangan ng progreso.
Nagpasalamat naman ang City Human Resource Management Office sa LGU sa ibinigay nilang suporta at aasahan umanong iimplementa nila ang maganda serbisyo para sa bayan.