Gin umpisahan eon kabii ro pag-install it mga Solar Road Studs o mga iwag sa tunga it karsada sa may Magsaysay Park iya sa banwa it Kalibo.
Raya hay kabahin it inisyatibo it pamunuan it LGU Kalibo agud maging salbar ro mga motorista sa mga daeanon.
Kabahin man raya it pagpahaum sa nagahilapit nga Opening Salvo it Kalibo Ati-atihan Festival 2023.
Samtang, nagapadayun man ro mga tikang nga ginahimo it LGU Kalibo sa uman nga pagbalik it kasadya it sambilog sa mga pinaka-prestihiyosong Festival sa nasyun nga ginakabig nga ‘The Mother of All Philippine Festivals’.
Magiging pilot program man it Solar Road Stud Project ro kahabaon it Arch B. Reyes St. padueong it Pastrana Park. / ANN DESLENE SALAZAR