LEGAZPI CITY – Pigsiyerto kan lokal na gobyerno kan Legazpi City na igwa man giraray ki preparasyon asin mga lakdang an saindang opisina dawa pa dai man kaibahan an probinsya kan Albay sa mga apektado kan El Niño phenomenon.
Sa intrevista kan Brigada News FM Legazpi kay City Mayor Geraldine Rosal, dawa pa dai kaibahan an probinsya, halangkaw man giraray an nairerehistrong heat index na nakakaapektar sa mga paraoma.
Sinabi kan alkalde, padagos an pagirumdom ninda sa mga paraoma na magtipon ki tubig-uran nganing en kaso magkaigwa ki drought, igwa nin gagamiton.
Mientrastanto, namamatean pa man su boot sa probinsya an mga pag-uran, lain sa ibang lugar sa nasyon na haros wara na asin apektado nang maray an sektor kan agrikultura.