Ipasarado it lokal nga gobyerno ro mga bars, nightclubs, ag iban pa nga mga establisyimento nga mag-eapas sa health protocols.
Ginkumbinse man nanda ro mga managers ag tag-ana nga i-kontrol ro pagdagsa it mga customers ag ro mahugot nga pagpatuman it minimum health protocols.
Nakabaton ro kapitolyo it mga report nga may mga establisyimento nga over crowded ag nagaeapas sa mga ginapatuman nga health standards.
Kaangut dikara, magahiwat it inspeksyon ro mga compliance officer ag personnel it Public Safety and Transportation Management Office (PSTMO), Task Force on Moral Values Formation (TFMVF), Business Permits and Licensing Division (BPLD), ag Iloilo City Police Office.
Ginlinaw man it PSTMO nga ro mga establisyimento hay ginapasugtan eamang nga mag-operate sa 50 percent indoor seating capacity ag 70 percent outdoor capacity.
Base man sa BPLD head nga ro mga personnel nga naka-duty hay dapat fully vaccinated ag ro mga establisyemento hay dapat magpakita it Safety Seals.
Base man sa TFMVF kinahangean nga may nakabantay nga security guard sa mga entrance para sa frisking ag vaccination card check./JIL B. LACSON