Kinumpirma ng Land Transportation Franchising and Regulatory Board (LTFRB) na pansamantala nilang sinuspendi ang pamimigay ng fuel subsidy sa mga public utility vehicle (PUV) drivers at operators.
Idinahilan ng LTFRB ang election public spending ban alinsunod sa Comelec’s Resolution No. 10747.
Ayon kay LTFRB executive director Maria Kristina Cassion umabot na sa 110,200 ng mga PUV beneficiaries ang nabigyan ng subsidiya.
Dagdag pa ni Cassion na nasa 22,000 taxi at UV Express beneficiaries ang kasalakuyang dumaraan sa document validification, Cassion habang ang Department of Trade and Industry (DTI) ay nakatakdang magbigay ng ayuda sa 27,000 delivery services.
Nilinaw naman ng LTFRB official na umapela na sila sa Comelec para maipagpatuloy ang programa at habang hinihintay ang desisyon patuloy naman umano ang produksiyon ng 86,000 Pantawid Pasada Program (PPP) cards para sa iba pang beneficiaries.