Gipagawas sa usa ka magtutdlo ang iyang gibati kalabotan sa kamatayon ni Architect Vlache Marie Bragas diin nalakip sa person of interest si Dennis Panzan nga adtong higayuna kauban niya nga nagpahigayon og checkpoint.
Sumala sa nagpailang teacher atol sa eksklusibong pakighinabi sa programang Tira Brigada, gibarugan niini ug dako ang iyang pagtoo nga walay kalabotan si Dennis Panzan sa kamatayon ni Bragas.
Kini gumikan nagkuyog pa sila ni Panzan nga nagpahigayon og checkpoint sa ilang lugar pasado alas onse sa gabii hangtod alas-3:30 sa kadlawon niadtong Mayo 16 tuig kasamtangan diin nahitabo ang krimen.
Dugang pa sa magtutudlo nga sukad 1985 pa nanimuyo sa Megaville, Calinan nga kaya niyang pamatud-an nga iya gyud nga nakauban si Dennis adtong higayuna ug nakaila siya niini gumikan sa batan-on na siya gapamalitan og baligya niining dressed chicken.
Kaila sab sumala pa niya ang pamilyang Bragas nga iya rang kumare ang inahan sa biktima.
Sumala pa niini nga usa ka adlaw una nawala si Dennis, duna sumala pay nagpailang sakop sa NBI ang iyang nahinabi ug miingon nga duna silay balikan sa ilang lugar.
Hinungdan nga mihatod kini og kabalaka sa mga residente ug mao na lamang ang ilang nasayran pagkaugma sa buntag, nawala na si Dennis ug nangabungkag na ang mga butang sa iyang gipuy-an.
Samtang, gi-kwestiyon usab sa magtutudlo ang kridibilidad sa duha ka mga saksi sa Bragas rape-slay case.
Sumala pa niini nga kung nakakita sa nasangpit nga mga witnesses nga giilang sila Alyas Joan ug Alyas Michael nganong wala kini mireport o kaha nangayo og tabang nga higayuna anaa lamang sila nag checkpoint sa ilang lugar.
Gikwestiyon sab niini ang pahayag ni Davao City Police Office Director PCol. Alberto Lupaz nga ang saksi nga si Alyas Joan anaa lamang upat ka metros gikan sa umbak nga gisakyan ni Architect Vlanche Marie Bragas ug sa mga gitudlo niining mga person of interest nga sila Kent Espinosa, Renato Bayansao alyas Empoi, Dennis Panzan ug usa pa ka wala mailhing suspetsado.
Gibutyag pa sa magtutudlo nga wala silay nakitang Joan sa lugar sukwahi sa giingon sa SITG-Bragas nga anaa lamang duol ang mga witnesses.
Nagduda na hinoon ang nasangpit nga magtutudlo nga kakunsabo ang mga gitudlong saksi sa krimen.
“ Bahala siya sa iyang P1M, makarma siya, wala siya kuyapi, wala na siya nagpuyo diri sa among kalye ug wala siya anang adlawa. Basin anang gabhiona nakakita siya, connivance of the crime siya. Nganong wala dayon siya dayon nireport, wala siya nisyagit kay ingon pa ni Lupaz (PCol. Alberto Lupaz) nga mideclare ka mga 4 meters away naa si Joan nga witness, 4 meters away ha? Wala man mi kita ana niya”
Sir, akong ipaabot anang duha ka witness kanang si Alyas Joan ug Alyas Michael nga mutan-aw ko sa ilang mga nawong, akoang tan awon ilang nawong face-to-face kung kinsa nang mga tawhana nga walay kon sensiya mga baga’g nawong“- Magtutudlo