NAKAHILAK ang adviser sa estudyante nga gipusil patay, Enero 11 sa Barangay Labangal General Santos City.
Sa paghinabi sa Brigada Gensan sa magtutudlo nga si Bai Sandra Baligod, adviser sa Grade 9- Baligod nga pasado alas 3 sa hapon sa Enero 11 sila gipahibalo sa kapulisan nga napusilan ang usa sa ilang estudyante.
Nakalitan daw sila sa hitabo gumikan adlaw nga Martes, Enero 10 nagka atubangay pa sila sa biktima nga si Princess Talusang kay naghangyo nga modular na lang ang iyang klase kay adunay problema ang iyang ginikanan.
Gidugang sa magtutudlo nga iyaha pa unta ikonsulta sa ubang magtutudlo ang hangyo ni Princess apan nakuratan nalang sa balita pagka ugma.
Sa paghulagway ni Ma’am Baligod kay Princess nakahilak kini gumikan lab-as pa sa iyang panumdoman nga nagka atubangay sila sa bata, gani gipa logbook pa niya sa iyang gihangyo.
Gumikan niini ang principal sa sa Lanton High School nga si Laila Jubelag nagpaabot sa iyang pahasubo sa pamilya ug nagapanghinaut nga makab-ot ang hustisya sa ilang estudyante nga gipusil patay. I Ver Diazon