UBAY ubayng mga bata edad 8 hangtud 12 anyos ang nagpatuli sa gipahigayong Libreng Operasyon sa Bukol at Tuli sa Brigada.
Matag Sabado gipahigayon ang maong libreng operasyon sa bukol ug libreng tuli sa pagpanguna ni Dr. Edwin Valencia.
Niadtong Sabado ang unang higayon sa matag semana nga libreng tuli alang sa mga anak nga lalaki nga wala pa natuli sa mga miyembro sa KaBrigadahan GenSan.
Ang mga bata giubanan sa ilang mga ginikanan ug nalipay nga may susamang programa ang KaBrigadahan samtang aduna usay nagpalista aron magpa-opera sa ilang bukol sa lawas ug hugot sila nga nagpasalamat.
Alang sa dugang impormasyon, bisitahi ang opisina sa KaBrigadahan Center, sa tapad sa Brigada Complex, NLSA Road, purok Bayanihan, Barangay San Isidro, General Santos City, sugod Lunes hangtud Biyernes alas 8 hangtud alas 4 sa hapon ug dalhon lang sa mga miyembro sa KaBrigadahan ang ilang donation record book.