Naka plastar eon ro pilang mga contest para sa nagahilapit nga selebrasyon it Ati-Atihan Festival 2022.
Raya hay ro Ati-Atihan Costume Making Contest, Suksok ni Santo Niño contest, Pinta Ati Painting contest, Inter-barangay Mosaic contest, Color My Ati and Doll-Sized Piña Gown Design contest ag Bendisyon Photo contest.
Ro nasambit nga mga contest hay igapatigayun sa Civic Center Kalibo Pastrana Park.
May igapatigayun man nga Aw Meow Ati-Atihan contest sa Covered Court it Kalibo Pastrana Park.
Ro Ati-Atihan Jingle contest, Patik Battle of the Ati-Atihan Bands ag ro Search for Miss Kalibo Ati-Atihan 2022 hay igapatigayun pinaagi it virtual. / ANN DESLENE SALAZAR