BICOL – PIGLINAW kan Department of Health o DOH-Bicol na pwediser nang tulos na mag ako nin bakuna an sarong indibidwal na nag-positibo sa covid-19 oras na makarekober ini asin mayo nang naeeksperiensyahan na sintomas.
Paliwanag ni Twinkle Jean P. Lorilla, Nurse III, DOH Bicol CHD, kun dati katorseng aldaw matapos makarekober, sa bagong protocol soboot “upon recovery” o sa oras na makarekober asin mayo nang anuman na sintomas pigtutugutan na an sarong pasyente na tulos nang makapagpabakuna kontra covid-19.
Dugang pa kaini importante na asymptomatic na an pasyente antes mabakunahan tanganing macierto na natapos na kaini an magkakanigong treatment asin base sa assessment algorithm an mayo nang anuman na sintomas nin helang sakit asin preparado nang mag ako nin vaccine dose.
Pwediser man soboot na matugutan na makapagbakuna an sarong indibidwal dawa dai pa tapos an katorseng aldaw basta ini an igwa nang certification o clearance gikan sa rural health unit o quarantine facility na magiging patunay na ini an asymptomatic asin fully-recovered na.
Mantang an naasabing protocol an sinusunod soboot para sa mga indibidwal na tinamaan nin covid-19 asin maresibe na kan saiyang first asin second dose maging kan booster shot kan covid-19 vaccine.