Mas ginpabaskog pa it probinsiya it Aklan ro mga programa ag interbensyon kuntra sa pagtaas it mga numero it mga malnourished nga kabataan sa probinsiya.
Sa selebrasyon it nutrition month makarang buean it Hulyo nga may tema nga “Bagong Normal na Nutrisyon, Sama-Samang Gawan ng Solusyon!” mas ginpabaskog pa it Provincial Health Office (PHO) ro pagtaas it kamalayan it publiko sa importansiya it nutrisyon sa pagbieog it katatagan ag pagbangon halin sa pagpanalasa it pandemya.
Base pa sa taeatapan, padayon nga ginasueong it probinsiya ro mga programa sa tama nga nutrisyon sa mga kabataan./JIL B. LACSON