Gibarugan sa militar nga patay’ng lawas ni Jorge Madlos o Ka-Oris kinsa usa ka dakong lider sa NPA ang nakarekober homan sa engkwentro tali sa militar ug mga rebelde didto sa Sitio Gabunan, Dumalaging, Impasug-ong Bukidnon.
Gibutyag ni 4O3rd Infantry Brigade Philippine Army Commander Brigadier General Ferdinand Barandon nga gikompirma sa mga kanhi rebelde nga si Ka-Oris ang napatay sa engkwentro.
Gipasabot niini nga bisan og gi-ila sa mga kanhi NPA ang patay’ng lawas ni Ka-Oris, ipa-agi pa gihapon kini sa tulo ka proseso alang sa pag-ila ug gilangkuban kini sa physical identity, DNA test ug Dental Record.
Napatay si Ka-Oris homan nakahiagom og ubay-ubay nga samad pinusilan sa engkwentro ug dili tungod sa air assets nga gilusad sa militar.
Lakip sa napatay sa engkwentro ang usa ka babaeng medic, ug lauman pa nga dunay kaswalidad sa rebeldeng grupo gumikan sa nakita nga mga marka nga dugo sa encounter site, diin narekober sab ang usa ka M14 rifle ug usa ka sub-machine gun.