Nakahanda ang Metropolitan Manila Development Authority (MMDA) at Philippine National Police (PNP) na umagapay sa mga pasahero kasabay ng ikinasa muling tigil-pasada ng grupong Piston at Manibela na magsisimula sa Lunes.
Ayon kay MMDA General Manager Angelo Vargas, may nakahanda nang hakbang ang mga LGUs sa Metro Manila tuwing may transport strike.
Tiniyak naman ni Vargas na andiyan ang mga asset ng MMDA para tumulong sa mga apektadong pasahero.
Samantala, ang PNP naman ay handa ring magdeploy ng mga truck sa mga posibleng ma-stranded.
Nagbabala rin si PNP Spokesperson Col. Jean Fajardo sa mga tsuper na manggugulo ay mahaharap sa kaukulang reklamo.