KABANKALAN CITY, Negros Occidental, Philippines — Nakilal-an na Ang nasapwan nga bangkay sa kilid sang kampo pasado alas-8 sang aga, adlaw sang Miyerkules, Abril 10, sa Sitio Kangkong, Barangay Bagroy sa banwa sang Binalbagan.
Gin-kilala ang biktima kay Anthony Toledo, alias “Alog,” 43-anyos, kag residente sang Barangay 4, banwa sang Isabela, halos 5 kilometros ang kalayuon gikan sa lugar kun diin siya nakita-an.
Suno sa imbestigasyon sang mga kapulisan, isa ka tricycle driver ang biktima, sa diin permi ini gina-akupar sa guwa sang banwa sang Isabela. Sa tion sang pagka-sapo sang bangkay sang biktima sang isa ka residente sang amo nga lugar, Wala na makit-an ang gina-maneho sini nga tricycle, lakip na ang kahita (wallet) sini.
Na hibalu-an man sang mga kapulisan nga kahapon pa sang hapon nga wala naka pauli sa ila puluy-an ang biktima.
Pahayag ni Police Major Randy Babor, hepe sang Binalbagan-PNP, gina-lantaw nga motibo sa amo nga krimen ang robbery kag posible maga-pangatubang sang kaso nga robbery with homicide ang sin-o ang responsible sa pag-patay sang biktima.
Base naman sa cross-mortem examination, naka-agum ang biktima sang duwa ka dalag-ko nga pilas sa liog nga amo naman ang gina-lantaw nga rason sa iya kamatayun.
Sa karun, naga padayon pa ang imbestigasyon sang kapulisan agud ma-hibaluan ang identity sang may kahimu-an sang nasambit nga pag-patay.*