ILOILO CITY — Arestado ro No. 7 suspected drug personality sa Western Visayas ag sambilog nga kaibahan kara sa ginpatigayun nga buy-bust operation sa Barangay Mansaya, Lapuz, Iloilo.
Ginkilaea ro mga naaresto nga sanday Mark Asturias 37yo, ginakabig nga high value target ag Paul Leonard Devilles, ginasugid nga ‘street level’ drug pusher suspect ag parehung residente it Brgy. Obrero Lapuz, Iloilo.
Base sa mga kapulisan, ro daywa hay una eon nga nagbaligya it daywa ka suspected shabu sa sangka undercover officer sa balor nga P13,000.
May kabilugan nga P204,000 nga balor it ginabawae nga droga ro narekober sa mga raya ku Hulyo 7 it gabii.
Ro daywa hay nakakulong makarun sa La Paz police station ag nakataeana nga pasakaan it pag eabag sa Republic Act 9165 okun Comprehensive Dangerous Drugs Act of 2002. / ANN DESLENE SALAZAR