Ginahulat na lamang karon sa Lokal nga Panggamhanan sa Dakbayan sa Davao ang guidelines sa Department of Health alang sa pagbakuna sa mga batang nag edad 5 hangtod 11 anyos.
Kini human mipadangat na og kaandam ang Davao City COVID-19 Task Force, alang sa pagpamakuna sa maong age group sa syudad.
Una ng gibutyag ni Dr. Michelle Schlosser, tigpamaba sa Davao City COVID-19 Task Force, nga ipahimutang gihapon sa mga vaccination hubs ang pagpamakuna sa mga bata aron dili na kaayo hasol sanglit naka set-up na ang ubang panginahanglanon sa pagpamakuna.
Tungod niini, nagalaom ang LGU Davao nga daghang mga ginikanan ang pabakunahan ang ilang mga anak aron mas mapanalipdan sa virus ilabi na nga ang mga bata ang dali lang mataptan og mga sakit.
Una ng gibutyag nga karong bulan sa Pebrero, ipahigayon didto sa kaulohan ang pilot implemantation sa pagpamakuna sa 5 hangtod 11 anyos. BNFM-DAVAO
