DAKO matud pa ang natabang sa pagbakuna sa mga kabataan aron ma-engganyo ang mga ginikanan nga magpabakuna. Kini ang gibutyag ni Dr. Fidel Peñamante presidente sa Philippine Medical Association Gensan chapter.
Sumala niini mas aware ang mga kabataan ug aduna taas nga enerhiya ang ilang lawas sa pagdawat og bakuna. Awhag ni Dr. Peñamante sa mga ginikanan nga ipabakuna na ang ilang mga anak labaw na kadtong adunay mga comorbidities kay usa nga maka-proteksyon sailang lawas batok sa virus mao ang pagpabakuna.
Sumala niini, walay kinahanglan nga kahadlokan tungod miagi sa husto nga proseso ug pagsusi ang mga vaccine nga iturok sa lawas. Sa ulahing datus sa vaccine statistics sa dakbayan anaa pa lang sa 462 sa kabataan ang nakadawat sa unang dose. Samtang nagpadayon karon sa Dr. Jorge P Royeca hospital ang pagbakuna alang sa mga kabataan nga nag edad 12 hantod 17 anyos. ( Enamie Mogpon)