BICOL – Maiangat an kamalayan kan lambang Pilipino dapit sa mga lenggwahe asin historya kaini asin mahali an “colonial mentality” o pagtataong importansta sa kultura kan ibang nacion.
Ini an tinawan duon ngunyan kan departmanento de educacion sa Bicol kasabay kan pagpupuon kan selebrasyon kan Buwan ng Wika ngunyan na Agosto.
Segun ki Nora Laguda, Panrehiyong Tagamasid sa Filipino, naka sentro an selebrasyon sa pagtataong importansya sa mga naenot na pangyayari asin pagbubusol sa pagiging “filipino-centric” o nakacenstro asin naglaladawan sa sadiring lahi asin pagka-Pilipino.
Soboot nagkaigwa , nin epekto an kolonyalismo sa ugaling pangwika asin pangkultura kan mga Pilipino na nadara na hasta sa presente, rason tanganing maigilid o mawara an orihinal na tatak o identidad.
Siring man dakulang tabang an paghinguha kan departamento asin ngunyan na pandemya maipadagos an paglinang sa wikang Filipino asin mamantiner na buhay an mga katutubong wika.
Ipigtaong halimbawa kaini an pagsasalin sa wikang Filipino kan mga bagong reglamentos ngunyan na “new normal” siring kan learning modality asin health protocols na nakatabang tanganing urog pa ining masabutan kan publiko.
Mantang ipinahayag man ni Laguda na bulan pa nin Hunyo uminarangkada na an mga aktibidad asin kompetisyon kan Deped para sa buwan ng Wika kun saen ngunyan na aldaw deadline, asin puon sa masunod na semana madadalan na an mga ipinadarang entries kan mga nagpartisipar na paratukdo asin mga estudyante gikan sa man iba ibang parte kan rehiyon .