Panibag-ong sightings ru nadiskobrehan it Department of Agriculture (DA)-Numancia sa kadagatan it Brgy. Camanci Norte ag Navitas, Numancia, Aklan.
Sa interview it BRIGADA News FM Kalibo kay Mr. John Alcazaren, Fisheries Technician it LGU-Numancia, na identify ru balyena ag ru iba hay sperm whale ru nakita kahapon July 7 bago nakita ru long snouted spinner dolphin ku nagtaliwan nga June 25.
Aminado si Alcazaren nga indi haeos ma identify tanan kung anong species ru naga tueonga sa dagat bangud kun paeapitan it tawo hay kapin pa nga naga paidaeom sa tubi.
Una eong gid man sa lugar ru mga species apang uwa haeos nanda na focus kundi makaron eang gid dahil sigi sigi eon sanda nga guwa ag ikara nagtikeod nga maghimo it monitoring para sa cultural heritage.
May grupo sigun sa Numancia nga maga monitor para ma mapping ag makabig nga endangered species
Dugang pa ni Alcazaren, kinahangean nga ipreserba ag dahanan ru mga endangered species sa lugar bangud raya ru paagi nga nag maka paduea it stress kun actual mo sandang makita nga naga eompat ag naga hampang sa dagat.
Kun matandaan ku buean it Hunyo hay may nakita man nga sightings ru DA-Numancia nga naga-abot sa 500 ka mga dolphins ru nakita man sa nasambit nga area.//MARIVIC Y. ILIN