LEGAZPI CITY – Dagos na dagos na sa maabot na Huwebes, Disyembre 7 an Paskuhan sa syudad kan Legazpi sa Sawangan Park.
Ini an kinumpirmar ni City Tourism Officer Christina Pacres sa Brigada News FM Legazpi.
Segun saiya, dagos na ini makalihis na makanselar huli kan dai matapos na pag-install kan ilaw durante sa mga pag-uran na epekto kan shearline.
Dakol su boot an mga nakalinyadang aktibidad katakod kan Paskuhan. Igwa nin parada, asin pag-showcase nin mga talento hale sa mga local talents.
Sinabi ni Pacres, dai na sinda nag-imbitar ki mga talents na hale sa luwas nganing an mga ibabayad kuta sa sainda, para na sana sa mga pagkaon, sadit na premyo asin panggasolina sa mga pig-imbitaran nindang hale sa lokal.
Padagos man na ineenganyar asin iniimbitaran ni Pacres an gabos na hilingon asin personal na mag-witness kan aktibidad.