Subli karong nanawagan ang Land Transportation Office-Philippines (LTO) sa mga nanag-iya og motorsiklo sa Davao region nga lokaton na ang ilang mga plate number sanglit natud-taod na kining available.
Sumala sa ahensya, ang available nga plate number mao kadtong mga nakarehistro sukad Enero 1 hangtud Mayo 24, 2018 ug Hulyo 23 hangtud na sa Setyembre 12, 2018.
Kinahanglan lamang nga dad-on sa mga tag-iya nga moclaim ang photocopy sa ilang certificate of registration ug official receipt.
Samtang alang sa mga representante sa tag-iya sa motorsiklo kinahanglan dunay gihawiran nga authorization letter ug photocopy sa valid ID card sa naka-rehistro nga nanag-iya sa unit.
Gisiguro sa LTO nga ma-release dayon ang mga plaka ilabi na nga pila ka tuig na usab kining gihulat sa mga motorista.
