GAPANINGKAMOT matud pa ang Philippine Medical Association kun PMA-GenSan nga makapalit og supply sa oxygen alang sa mga nagkinahanglang pasyente sa COVID-19.
Matud ni Dr Fidel Peñamante, presidente sa Philipppine Medical Association o PMA GenSan didto pa sa Cagayan de Oro City ang supplier sa oxygen ug nasuta nga kulang usab sa raw materials hinungdan sa daghan ang wala nasuplayan.
Sa karon nga kulang ang suplay sa oxygen kung mahimo, pugngan usa ang paggamit niini apan dilii usab mahimo tungod kinahanglan kini sa mga anaa sa severe cases.
Gikabalak-an pa ni Peñamante ang pagsamot sa kaso sa COVID-19 tungod sa gatusan nga anaa sa waitlist nga dili masulod sa ospital nga pasyente ug dako usab ang risgo nga mosamot pa ang pagkatag sa sakit.
Gipanghinaut ni Peñamante nga maaprobahan ang rekomendasyon sa medical society sa pagpailalom ang GenSan sa MECQ aron mapugngan ang pagsaka sa kaso sa COVID-19.
Giawhag usab niini ang katawhan, kanunayng musunod sa mga health protocols.