All set eon ru police augmentation ag patrolling it Kalibo MPS para sa nahaeapit nga Kapistahan ni San Juan Bautista sa June 24.
Sa interview kay PLTCOL Ricky Bontogon, chief of police it Kalibo MPS bastante ru mga pulis nga iga deploy sa ibang mga units.
Raya hay matapos nga aprobahan ru request it Kalibo MPS sa Aklan Provincial Police Office (APPO) nga dugangan ru pwersa it PNP sa nasambit nga selebrasyon.
Mahigpit man nga gina monitor ru mga baybayon partikular sa Brgy. Pook , Kalibo nga sentro it aktibidad dahil sa bangkarera ag iba pang mga aktibidad.
Dahil sa dueongan ru schedule it kapiestahan sa iba pang mga barangay sa Kalibo, gin tunga-tunga ru pwersa it mga pulis para sa deployment.
Samtang, umapila it kooperasyon ag susporta ru Kalibo MPS sa publiko para sa peace and order nga sitwasyon it banwang Kalibo.//MARIVIC Y. ILIN