Ginpahayag it Police Regional Office (PRO) 6 nga uwa nanda ginapasugtan ro maeain nga ginahimo it mga police officers bisan anuman ro andang katindugan sa opisina.
Ginkumpirma raya it PRO 6 matapos ro pagdakop kay Police Corporal Darryl Dumaraog bangud sa pag-carnap it motorsiklo it sambilog ka kapitan it barangay sa Pototan, Iloilo.
Base pa kay PRO6 Regional Director Police Brigadier General Leo Francisco, ro pag-aresto kay Dumaraog hay nagapakita eamang nga ro mga kapulisan hay ginapatuman ro laye sa tanan, mapasibilyan man o miymebro it kapulisan.
Dugang pa nana, magaserbe raya nga pagpaandam ag pagpahanumdom sa tanan nga mga katapo it PRO-6 nga ma-imbolba sa anuman nga krimen o ilegal nga hirimuon hay indi pagakunsitehon it andang taeatapan./JIL B. LACSON