Ginpangunahan sang gobyerno probinsyal sa idalom sang administrasyon ni Governor Fredenil Castro pinaagi sa Capiz Provincial and Natural Resources Office (CaPENRO) ang labing una nga Provincial Solid Waste Management Board (PSWMB) Meeting nga ginhiwat sa Hall of Governors, Kapitoyo Probinsyal, Hunyo 19.
Dire ginhinalaan sang konseho ang natuhoy sa Republic Act No. 9003 ukon kilala bilang Ecological Solid Waste Management Act of 2000 mandates nga nagasiguro sa proteksyon sang ikaayong lawas sang publiko kag dunang manggad.
Dugang nga gintalakay ang papel sang mga Local Government Units (LGUs) sa implementasyon sang nasambit nga layi.
Gintumod man sang konseho ang mga nagakadapat nga ibutang bilang mga representante nga mga sektor sa bahin sang Non- government Organization; Recycling Industry; Manufacturing or Packing Industry kag kada ahensya may kaangtanan dire.
Gin-istoryahan man sa sinapol ang pagtukod sang Technical Working Group members kag ang ginlapas sa layi sang mga LGU’s sa ila nga Final Disposal Sites nga nakit-an sang nagtyekyar ang CaPENRO kon sa diin ginpakita man ini sa ila pinaagi sa video presentation.