LEGAZPI CITY – Nangangapodan an sarong transport group sa Albay sa gobyerno-probinsyal na makipagkoordinar muna sa mga transport cooperative antes magpaluwas nin abiso na may kinaraman sa nationwide transport strike.
Sa intrevista kan Brigada News FM Legazpi kay Ronel Nebres kan Basta Drayber Sweet Lover Safety Enforcer, sinabi kaini na nagpaluwas na kaya ki abiso an BITCOOP na dai man masarabay sa strike an miyembros kaini.
Alagad, segun saiya, kun kasuarin man kuta dakol na mga public utility vehicles an nagpasada kasuudma, iyo man lugod su kinadiit kan mga pasahero nin huli sa suspension kan on-site classes susog sa abiso kan PDRRMC.
Segun pa kay Nebres, dapat isihon muna sa mga kooperatiba kun masarabay sa strike an mga PUVs na miyembros kaini.