GILANTAW karon sa Presidential Assistant for Eastern Mindanano kung unsa ang mamahimong matabang aron nga mas mapalambo pa ang cacao ug coffee producers.
Kini human nga in-demand ang duha ka ilimnon dili lamang dinhi sa Pilipinas apan lakip na sa laing nasud.
Sa natigayon nga consultation kauban ang mga stakeholders atol sa Davao Food and Wine Festival nga natigayon sa usa ka hotel dinhi sa Davao niadtong Oktubre 11, 2023, gikanayon ni Sec. Leo Tereso Magno nga ang mga mag-uuma og cacao ug kape maka-produce og 20,000 metric tons matag tuig diin mas ubos itandi sa demand nga 120,000 metric tons alang sa mga Pilipino nga mahiligon sa maong ilimnon.
Gumikan niini, gikatakda nga tapokon sa opisyal ang mga cacao ug coffee farmers aron nga mahisgutan kung unsa ba ang kinahanglan ug matabang sa gobyerno alang sa maong sektor.
Ang Davao Food and Wine Festival, Coffee and Cacao experience muluntgad hangtod Oktubre 14 tuig kasamtangan.