DETENADO na sa Police Station-9 Nazareth ang 3 ka Suspetsado sa pagpamusil patay sa Medical Director sa Maria Reyna Xavier Hospital nga si Dr. Raul Winston Andutan.
Suspetsado gi-ilang sila Jomar Pacilan Adlao, 30-anyos, menyo ug resident sa Brgy. Dologon, Maramag, Bukidnon, Marjun Abayon Cabug, 39-anyos, ulitawo, resident sa Brgy. San Antonio, Don Carlos, Bukidnon ug ang usa ka Joel Arcilla Nacua, 37-anyos, menyo ug residente sa Brgy. Lilingayon, Valencia City, Bukidnon, kung asa nasikop kini pinaagi sa Police operation nga gipangunahan sa Cagayan de Oro City Police Office sa pagpanguna ni City Director Police Colonel Aaron Mandia sa P-1, Brgy. San Alonzo, Balingoan, Misamis Oriental.
Pinaagi usab sa walay undang nga Police Hot Pursuit operation nasikop sa Balingasag, Misamis Oriental ang ika-upat nga suspetsado nga usa ka gipanganlang Philip Tingabngab, Samtang padayon pang gipangita karon ang gitoohang middle man nga si Rene Tortosa.
Pamahayag ni Police Colonel Aaron Mandia nga mahitungod sa kalisod maoy nagtuklod sa mga suspetsado nga buhaton ang maong krimenalidad diin mag-atubang kini sa kasong murder.
