Mahugot an gindumara nga foot patrol ngan ocular inspection han Tacloban City Maritime Police Station ha Tacloban Supermarket.
Ini in agud mapanginano ngan madakop an mga vendor nga nagbabaligya hin butod o deri na presko nga isda.
Sugadman para maseguro nga deri an mga ini nagbabaligya hin marine products nga igindederi an pagdakop ngan pagbaligya.
Nanguna ha mao nga operasyon an hi PMSg Leo Pelagio T Gaviola, Logistic PNCO ha ilarom han deriktiba ni PCPT IBNOHASAN R AMILASAN JR, Station Chief kaupod an Office of the City Agriculture Office ngan Office of the Operations Market Fish.
Mahugot naman nga nagpahimatngon an mga otoridad ha tanan nga vendors ha merkado nga magsunod ha mga ginpapatuman nga aludayday han city agud waray magin problema ha tagsa pakabuhi.