DAKPAN sa kapulisan sa Alabel, Sarangani Province ang usa ka regular wanted person nga may kasong Qualified Theft Abril 18, 2023.
Subay sa talaan sa Alabel Police Station ang ilang gidakop mao si Randy Eguin Jr. 20-anyos nga taga Barangay Ladol.
Subay sa kamandoan sa korte nga permado ni Hon Judge Bill Ybarley sa RTC Branch 38 pinitsahan Enero 17, 2023 ang kaso sa akusado mao ang Qualified Theft ug nagkinahanglan ug pyansa nga mokabat sa P30,000 alang sa temporaryo nga kagawasan.
Wala usab nagpakita ug pagsukol ang akusado sa dihang gibasahan sa pulis sa mando gikan sa korte. I Ver Diazon