LEGAZPI CITY – Mabilog nin sadi-sadiring task force an kada barangay sa Camalig kontra sa posibleng epekto kan matinding init kan panahon sa mga residente.
Katakod ini kan mandato kan Municipal Disaster Risk Reduction and Management Council sa mga opisyales nin barangay, kun sain dapat na magkaigwa nin grupo na matutok sa siring na insidente dugang pa an pagkakaigwa nin comprehensive disaster management plan na may obhetong mabawasan an maraot na epekto sa mga residente asin manlaen-laeng sektor kan komunidad.
Mientrastanto, kun magigirumduman, naenot na man na piglatag kan nasambitang opisina an nagkapira nindang lakdang sa pagpreparar sa El Niño phenomenon.