LEGAZPI CITY – Sarong pundasyon an nagpapadagos na training para sa mid-level managers (MLM) nganing magkaigwa nin matrayumpo asin alangkaw na coverage nin pagbakuna sa Bicol Region.
Ini an sinabi ni Department of Health (DOH) Bicol Regional Director Dr. Ernie Vera sa Brigada News FM Legazpi.
Segun saiya, hababa kaya an coverage kan immunization digdi sa rehiyon.
Nagtutubod si Vera na saro man ining preparasyon huli ta kadakol na workshops an nakapalaog sa training.
Segun man kay Dra. Desiree Bricenio kan nasambit na ahensya, dapat mahilingan nin application an trainees makalihis an aktibidad.
Huli kaini, magkakaigwa nin monitoring nganing mas ma-improve pa an implementasyon kan immunization.
Mientrastanto, sinabi man ninda na sa paagi kan training, mahihiling kun sain nagkulang asin kun ano an mga dapat na gibuhon nganing mas mapalangkaw pa an vaccination and immunization coverage bako sana sa rehiyon kundi sa bilog na nasyon.