Swerte nga nakalingkawas ang driver ug pahinante human nga nahaybol ang gisakyan niining truck nga puno sa sakong feeds pasado alas-6:57 kagabii sa sa may Lower Lanitom, Barangay Suawan, Marilog District, ning syudad sa Davao.
Nasayran nga gikan sa Iligan City ug padulong unta dinhi sa syudad ang maong truck aron magdeliver.
Nakagiagom og mga pangos sa lawas ang driver lakip na ang helper nga nailang si Loui Pracala nga daling gihatagan og first aid.
Namatikdan usab sa usa ka Ka-Brigada ang pipila ka mga residente nga nanguha og sinakong feeds busa nanawagan kini nga ibalik ang mga gipangkuha.
Pahinumdom na lamang sa otoridad nga mag-amping ang tanang mga byahero ug sutaon kanunay ang kondisyon sa sakyanan ayha kini mubyahe aron malikay sa disgrasya.