Nailista ro unang kaso it omicron variant sa Iloilo City.
Base sa datus it City Epidemiology and Surveillance Unit, sangka 46yo nga seafarer halin sa Kenya ro unang kaso it omicron nga nakasueod sa Iloilo.
Ro nasambit nga seafarer hay taga Arevalo, Iloilo, bukon it comorbid ag bukon it bakunado kontra sa covid-19.
Negatibo man ro seafarer sa RT-PCR test bago bumiyahe paagto sa Cebu ag nag-hotel quarantine.
Uman raya nga nag negatibo sa RT-PCR ku December 24 kat umuli imaw sa Iloilo.
Pero ku December 27 hay nagpositibo raya sa RT-PCR test rasun nga ginpaidaeum sa genome sequencing ag ku Enero 4 gumuwa ro resulta it anang genome sequencing ag positibo sa Omicron.
Sa makarun ro seafarer hay padayun nga naka-quarantine ag owa it sintomas. / ANN DESLENE SALAZAR