Ikinagalak ng pamunuan ng University of the Philippines – Philippine General Hospital (UP-PGH) ang pagpapatayo ng administrasyon ng Cancer Center sa kanilang pasilidad.
Sa isang panayam, sinabi ni UP-PGH Medical Dir. Dr. Gerardo Mendoza na isa itong welcome development lalo na’t malaki ang maitutulong niyan sa libu-libong mga cancer patients sa bansa.
Aniya, matagal na raw nilang isinusulong ang pagkakaroon ng isang specialized center para matiyak ang de kalidad at abot-kayang mga oncology services.
Sa datos, tinatayang aabot umano sa 60,000 na mga cancer patients ang naitatala ng UP-PGH kada taon.
Kung maaalala, inanunsyo kahapon ng National Economic Development Authority (NEDA) ang pag-apruba sa P6Billion project.
Sa oras na maging operational – tinatayang aabot sa 300 ang kaya nitong i-acommodate na mga cancer patients.