PATAY na sa dihang nakit-an sa mga vendor sa kilid sa Barangay Hall sa South ang usa gihapon ka vendor nga nagapamaligya sa downtown area sa General Santos City.
Sumala sa usa ka vendor nga naga pwesto duol sa barangay nga si Charmaine Jaling patay na sa dihang ilang nakit-an luyo sa iyang pwesto.
Gikumperma sa usa ka membro sa Civil Security Unit nga naga duty sa Queen Tuna Park nga si Al Kudarat, nakaila siya sa namatay, giila kini sa bansagon nga Bajao apan wala siya nakahibalo sa tinuod nga pangalan,nagtuo usab siya nga balatian ang gikamatyan ni alias Bajao.
Samtang sa bahin sa mga tanod sa Barangay South, sumala ni Jovanie Daño nga walay kremin nga nahitabo sa ilang area of responsibility ug bisan sila kumbensido nga walay foul play kay naanad na sila nga sa bangko tapad sa mga vendor nagatulog si alias Bajao ug ilaha usab nasayran nga aduna na kini gipamati sa lawas.
Nakarespondi usab sa lugar ang personahe sa Bula PNP ug ang Soco Team,wala usab kabanay nga moila dayon sa namatay,wala na usab magdugay gipakuha na kini sa taga punerarya pasado alas 6 sa buntag Abril 25, 2023. I Ver Diazon