NAILHAN na sa kapulisan ang usa sa mga suspek nga mitulis sa establisemento nga nagabligya og mga surplus nga sakyanan sa National Highway, Barangay Sinawal, GenSan.
Sumala ni PCol. Nicomedes Olaivar Jr. Director sa GenSan City Police Office nga adunay mga nakakita sa panghitabo kaniadtong Marso 5 sa gabie samtang gitulis ang lugar ug aduna sab mga CCTV footage nga nakuha ang kapulisan nga maoy nakahatag og lig-on nga ebidensya sa pag-ila sa mga suspek. Butyag ni Olaivar kanhi nang nalambigit sa mga pagpangawat ug iligal nga droga sa GenSan ang maong mga suspek ug pabalik-balik na matud pa sa paghimo og krimen.
niini nagpadayon ang kapulisan sa pagpangita sa mga suspek aron sila manubag sa balaod sa gihimong pagpanulis sa establisemento asa natangag ang sobra tunga sa milyon ka pesos nga kwarta. I Enamie Mogpon