KALIBO, AKLAN—Nagapadayon do vaccination roll out para sa mga tourism workers sa isla it Boracay matapos nga makabaton it kadugangan nga 10,000 doses it Sinovac vaccine.
Do nasambit nga bakuna hay maghalin sa ginpromisa it Department of Tourism (DOT) para sa mga tourism worker’s it Boracay kung siin do 3,000 kara hay para sa second dose it naunang tatlong libong nabakunahan ku July 7,2021 samtang do 7,000 doses man hay gintaeana sa 3, 500 worker’s para sa andang 1st ag 2nd dose.
Kaibahan sa mga pagabakunahan hay do mga nagatrabaho sa accommodation establishments, sa mga restaurants, dive shops, spa, travel and tours, souvenir shops, jetty ports ag iba pang essential service providers, sa tourism-related cooperatives, transport sector, ag sa mga government frontline service kaeakip do mga tourist police, immigration staff, ag rehabilitation management group.
Kung matatandaan, nauna eon nga ginpasiguro ni DOT Sec. Bernadette Romulo-Puyat nga mabakunahan do tanan nga mga workesr sa Boracay kung siin sa raya sigon nga pamaagi hay magabalik do kumpiyansa it mga turista nga uman nga magabakasyon sa isla at amat-amat nga makabangon do ekonomiya it Boracay. // SHERRY ANNE REUNIR-VIDAL