𝗜𝗡𝗖𝗜𝗗𝗘𝗡𝗧 𝗥𝗔𝗧𝗘 𝗡𝗔 𝗞𝗜𝗡𝗔𝗦𝗔𝗦𝗔𝗡𝗚𝗞𝗨𝗧𝗔𝗡 𝗡𝗚 𝗠𝗚𝗔 𝗠𝗢𝗧𝗢𝗥𝗜𝗦𝗧𝗔 𝗦𝗔 𝗖𝗔𝗨𝗔𝗬𝗔𝗡 𝗖𝗜𝗧𝗬, 𝗣𝗔𝗧𝗨𝗟𝗢𝗬 𝗡𝗔 𝗡𝗔𝗗𝗔𝗥𝗔𝗚𝗗𝗔𝗔𝗡

Patuloy na nadaragdagan ang bilang ng mga insidenteng kinasasangkutan ng mga motorista sa lungsod ng Cauayan.

Sa inilabas na bagong update ng BGD Command Center, aabot na sa 372 na insidente ang naitala para sa mga drayber na nahuling nasa impluwensiya ng nakalalasing na inumin.

Samantala, nasa 378 incidents naman ang naitalang datos para sa mga drayber na walang mga suot na helmet.

Kaugnay nito, Labing-tatlong (13) insidente naman sa kalsada ang nag-resulta ng pagkasawi ng mga motorista.

Patuloy naman ang paalala ng command center sa publiko para sa mga drayber na huwag magmaneho ng lasing, may ka-text o kausap sa cellphone, o walang suot na helmet.