Inireklamo ng isang pasahero ang nasakyan nitong traysikel sa Lunsod ng Cauayan kung saan mabilis umano itong magmaneho.
Sa natanggap na impormasyon ng 92.9 Brigada News FM Cauayan mula kay Ruben, isang pasahero, isinalaysay nito ang naranasan bilang isang pasahero kung saan parang nakikipag-karerahan aniya sa daan ang tricycle driver.
Dahil dito, nangamba ito sa kaniyang kaligtasan bilang pasahero at nanawagan na maging responsable ang tricycle driver.
Samantala, sa inisyal na panayam ng Brigada News Team kay POSD Chief Pilarito Malillin, hinikayat nito ang mga pasahero na nakararanas ng serbisyo ng mga abusadong traysikel drayber na kunin ang kanilang body number at isangguni sa kanilang tanggapan.
Ito aniya ay upang agarang masawata at mapanatiling ligtas ang mga pasahero.