Natanggap na ng mga benepisyaryo ng Isabela Recovery Initiatives to Support Enterprises (I-RISE) at scholars of Bojie-Rodito Opportunities for Education (BRO-Ed) sa Lungsod ng Ilagan ang kanilang mga financial assistance, kahapon, September 7.
Kabuoang P4,019,500 ang naipamahgi ng I-RISE Livelihood Assistance sa mga informal sectors na mayroong maliliit na negosyo habang mayroon naming tatlong kooperatiba ng mga magsasaka ang nabigyan ng P1,300,000 na I-RISE loan.
Kaugnay nito, nasa 4,704 BRO-Ed scholars naman sa Lungsod ng Ilagan ang nakatanggap ng educational allowance at rice assistance na nagkakahalaga naman ng P14,676,000 para sa unang semester ng Academic Year 2022-2023.
Pinangakuan naman ni Governor Rodito T. Albano III ang mga BRO-Ed scholars na mag-aral ng mabuti sapagkat tutulungan sila ng Provincial Government ng Isabela hanggang sa kanilang post-graduate studies.
Ngayong araw ay nakatakda ring makatanggap ng educational assistance ang bayan ng Alicia.